Biləsuvar Dövlət Aqrar İnkişaf Mərkəzinin əməkdaşları Bitkiçilik sektorunun müdiri Elşən Musayev və Texniki Nəzarətin Təşkili üzrə baş məsləhətçisi Rəşadət Əskərov tərəfindən 06 aprel 2024-cü il tarixdə kənd təsərrüfatı şirkətlərində yaz tarla işlərinə hazırlıq vəziyyətinə baxış keçirildi.
"BILESUVARINFO" xəbər verir ki, Biləsuvar DAİM əməkdaşları texniki təhlükəsizliyin təmin olunması ilə əlaqədar "Aqroservis" ASC-nin Biləsuvar Rayon Bölməsinin, "P Aqro" MMC-nin, "MKT İK" MMC-nin və "Azərpambıq ASK" MMC-nin istifadəsində olan traktorların, traktor-yedəklərinin, asma-qoşquların və digər mexaniki nəqliyyat vasitələrinin sazlığı və istismara yararlı olması vəziyyətini yoxlayıb.
Şirkətlərdə bu sahədə calışan mühəndis - texniki işçilər və sürüçü-mexanizatorlar təhlükəsizlik qaydaları ilə bir daha təlimatlandırılıb. Müəssisələrdə texniki təhlükəsizliyin işini aparan əməkdaşların "növbəti təlimat jurnalı"na baxış keçirilib və mexanizatorların idarə etdikləri traktor, yükləyici və kombaynları idarəetmə dərəcələrinin uyğunluğunun vəziyyəti yoxlanıldı. Aşkarlanmış nöqsanların qısa müddətdə aradan qaldırılması məqsədilə Biləsuvar DAİM əməkdaşları tərəfindən müvafiq tapşırıq və tövsiyyələr verildi.
Sonda mühəndis-texniki işçilər və mexanizatorlara texniki təhlükəsilik üzrə təlimat bukletləri paylanıldı.
