YAP Biləsuvar rayon təşkilatı seçicilərlə növbəti görüşü Xırmandalı kəndində keçirmişdir

Görüşdə YAP Biləsuvar rayon təşkilatının sədri Kamil Qurbanlı, şəhid atası Yusif Teymurov, təşviqat qrupunun üzvləri Fikrət Cahangirov, Akif Kazımov, Balaqardaş Kazımov, Maarif Əsədov və Aqşin Əkbərov çıxış ediblər.

Çıxışlarda Ulu Öndər Heydər Əliyev irsini müasir çağırışlara uyğun zənginləşdirən Prezident, Yeni Azərbaycan Partiyasının Sədri cənab İlham Əliyevin fəaliyyəti dövründə dövlətimizə və xalqımıza bəxş etdiyi tarixi nailiyyətlərdən bəhs edilib. Vurğulanıb ki, bu gün Azərbaycanın dünyada artan nüfuzu Prezident İlham Əliyevin uğurlu siyasəti nəticəsində mümkün olub. Müzəffər Ali Baş Komandanın rəhbərliyi ilə Azərbaycanın ərazi bütövlüyünün və suverenliyinin tam bərpasının dövlətçilik tariximizin ən mühüm hadisələrindən biri olduğu xüsusi qeyd edilib.

Natiqlər seçiciləri 7 fevral prezident seçkilərində fəal iştirak etməyə və hər bir azərbaycanlıya qələbə sevincini bəxş etmiş Yeni Azərbaycan Partiyasının namizədi cənab İlham Əliyevə səs verməyə çağırıblar.