Oktyabr ayının 19-da Biləsuvar rayonun Nərimankənd kəndində 2014-cü ilin avqust döyüşlərində şəhid olmuş Hüseynov Rahil Əfsər oğlunun anadan olmasının 30-cu il dönümü münasibətilə ailəsi ziyarət olunub.
Ziyarətdə YAP Biləsuvar rayon təşkilatının sədri Kamil Qurbanlı və Nərimankənd kənd inzibati ərazi dairəsi üzrə nümayəndə Asif Ağamalıyev iştirak edib. Tədbirdə qəhrəman şəhidimizin şərəfli döyüş yolundan söz açılmış xatirəsi yad edilmişdir. İştirakçılar bildirmişlər ki, Azərbaycan xalqının qüruru, fəxri olan şəhidlərimizin xatirəsinin daima əziz tutulacaq, dövlətimiz hər zaman şəhidlik zirvəsinə ucalan igidlərimizin ailələrinin yanında olacaqdır.
Məlumat üçün qeyd edək ki, Azərbaycan Ordusunun kiçik giziri olmuş şəhid Hüseynov Rahil Əfsər oğlu 19 oktyabr 1993-cü ildə Biləsuvar rayonun Nərimankənd kəndində andan olmuşdur. Nərimankənd kənd tam orta məktəbində təhsil aldıqdan sonra 2011-ci ildə həqiqi hərbi xidmətə yollanmışdır.2014-cü ilin 1-3 avqust tarixləri arasında Azərbaycan və Ermənistan qoşunlarının təmas xəttində baş verən döyüşlər zamanı şəhid olub. Avqustun 2-si doğulduğu Biləsuvar rayonununNərimankənd kənd qəbiristanlığında dəfn olunmuşdur. Şəhid Rahil Hüseynov ölümündən sonra göstərdiyi qəhrəmanlığa görə Azərbaycan Respublikası Müdafiə Naziri general-polkovnik Zakir Həsənovun sərəncamı ilə "Hərbi xidmətdə fərqlənməyə görə" III dərəcəli medalı ilə təltif edilib. Hazırda Nərimankənd kəndində şəhidin yaşadığı küçə Rahil Əfsər oğlu Hüseynovun adınadır.
Allah rəhmət eləsin!
