Biləsuvarın Yuxarı Cürəli kəndində Vətən müharibəsi şəhidi Sadiq Nəcəflinin xatirə abidəsinin açılışı olub."Bilesuvarinfo"nun məlumatına görə, mərasimdə rayon rəsmiləri, hərbçilər, qazilər, şəhidin yaxınları və ictimaiyyət nümayəndələri iştirak edib.
Tədbirdə çıxış edənlər şəhidin keçdiyi qəhrəmanlıq yolundan geniş söhbət açıblar.
Daha sonra abidənin açılışı olub və önünə gül dəstələri düzülüb.
Qeyd edək ki, Vətən müharibəsi şəhidi Sadiq Nüsrət oğlu Nəcəfli 2000-ci il iyunun 22-də Biləsuvar rayonunun Yuxarı Cürəli kəndində anadan olub. Vətən müharibəsi zamanı Şuşanın azadlığı uğrunda gedən döyüşlərdə savaşıb və şəhid olub.
