Biləsuvar Dövlət Aqrar İnkişaf Mərkəzi kənd təsərrüfatı sahəsində çalışan hüquqi və fiziki şəxslərə bildirir ki, dövlət texniki baxışdan keçməyən, İstifadəyə yararsız, xarici işıq cihazları nasaz, dövlət qeydiyyat nişanları yerində olmayan kənd təsərrüfatı texnikası ilə daşımaların həyata keçirilməsi sürücü ilə yanaşı, digər hərəkət iştirakçıları üçün də ciddi təhlükədir.Bildirilir ki, hazırda mövsümlə əlaqədar əkin-biçin işlərinin sürətləndiyini nəzərə alaraq, bir daha kənd təsərrüfatı fəaliyyəti ilə məşğul olan hüquqi və fiziki şəxslərin yol hərəkəti ilə bağlı təhlükəsizliklərinin təmin olunmasına, sürücüləri məhsulların daşınmasının və qablaşdırılmasının qanunvericiliyin tələblərinə uyğun həyata keçirilməsinə xüsusi diqqət yetirməyə çağırır, bu sahədə nəzarət tədbirlərinin gücləndirildiyini onların diqqətinə çatdırırıq.
Kənd təsərrüfatı texnikalarının (traktor, traktor yedəyi, asma və qoşulan digər texnikalar) sahibləri texnikasını buraxılış ilindən aslı olmayaraq ildə bir dəfə dövlət texniki baxışdan keçirməlidir.
DİQQƏT!
Azərbaycan Respublikasının İnzibati Xətalar məcəlləsinin 340.1 maddəsinə əsasən “siyahısı müvafiq icra hakimiyyəti orqanı tərəfindən müəyyən edilən kənd təsərrüfatı texnikasının sahibləri və ya sürücüləri tərəfindən “Yol hərəkəti haqqında” Azərbaycan Respublikasının Qanunu ilə müəyyən edilmiş qaydada və müddətdə texnikanı dövlət qeydiyyatından və ya texniki baxışdan keçirmədən idarə etməyə və ya dövlət qeydiyyatından keçirilmiş texnika icarə və ya digər əşya hüquqlarına dair müqavilə (notarius tərəfindən təsdiq edilən müqavilələr istisna olmaqla) əsasında başqa şəxsə verildikdə onu təkrar dövlət qeydiyyatından keçirməməyə görə - fiziki şəxslər əlli manat məbləğində, vəzifəli şəxslər yüz manat məbləğində, hüquqi şəxslər üç yüz manat məbləğində cərimə edilir.
Biləsuvar DAİM
.jpg)
