Qonşuluqda bir aztəminatlı ailə yaşayır, onların burada məskunlaşmasından 15 il ötür. Bu illərdə ailənin artan maddi ehtiyacları mənzil şəraitlərini yaxşıladırmağa da imkan verməyib.
Hazırda ailənin 70 yaşlı başcısı 220 manat yaşa görə pensiya alır. Həyat yoldaşı işləmir, oğulu və gəlininin işdən qazancı özlərinin və iki azyaşlı uşaqlarının gündəlik dolanışığına ancaq çatır.
İllərdir bizm küçəmizin sakinləri yekdilliklə bu ailənin dövlətin aztəminatlı ailələrə dəstəyindən yararlana bilməsi arzusundadır. Bir il öncə, qonşunun ünvanlı dövlət sosial yardımı alması ilə bağlı sənədlər toplamasını xatırlayıram. Ailənin məşğulluğu torpaqla bağlı olduğundan, ailə aylıq xərclərinə catmayan gəlirlərindən başladılar ödənişlər etməyə. Sənədlərini sazlayıb, ünvanlı dövlət sosial yardımına müraciət göndərdilər. İlk imtina cavabında yazıldı: Ailə başcısının adına sayğac var ( əsla həqiqətdə isə yaşadıqları mənzilin qazı yox idi). İkinci imtina: Yeznənin adı ailə tərkibində göstərilməyib ( bu ərəfədə ailənin qızı ailə həyatı qurduğundan) və s. ciddi əsası olmayan imtinalar... Beləcə, aylar ötüb illər oldu, xeyli imtinalardan sonra, nəhayət ki, bu ailənin də sənədləri təsdiqləndi.. . Və komisiyanın yoxlamaya sayılı günlər qalmış ərəfədə ailənin oğlu arvadını götürüb Bakı şəhərinə iş axtarışına gedir. Budur artıq yoxlama qapıdadır, ailə başcısı Rasim kişidən oğlu ilə, gəlininin harada olduğunu soruşur və o, cavab verir: sahədə işləməyə gediblər. Bu anda, çoxbilmiş gənc yoxlama Sevinc nənəyə mürciətən deyir: “ Nənə bəs deyirlər uşaqlar Bakıya işləməyə gedib?”. Tutulub qalan Sevinc nənə deyir: “ Bala düzdü, mən namaz qılırm yalan danışa bilmərəm, hə Bakıya işləməyə gediblər..” .
... Sevinc nənənin düz danışması, səbrsizliklə müalicəyə günü gözləyən həyat yoldaşı Rasim kişini arzusundan edib. O, aylardan bəri gözləyirdi sosial yardımdan alacağı vəsaitdən bir qədər toplayıb, hər gün əyilməkdə olan qıcını müalicəsi üçün paytaxta getsin.
Beləcə, bu ailənin yardım almaq arzusu ziyana da başa gəlib, torpağa görə ümümilkdə 300 manata yaxın vəsait ödəniş edib. Sevinc nənənin düz danışmağı ailəsini yardımdan etdi, əziyyəti çəkən də daha çox özüdür, iki azyaşlı nəvəsinə qulluğu davam etdirir.
Necə dəstək olmaq olar ki, bu ailə də dövlətin aztəminatlı ailələrə göstərdiyi dəstəydən yararlana bilsin?. Bu sahədə çalışıb Oruc tutan, Namaz qılan bacı və qardaşlar!. Ramazan fəzilətləri xatirinə bu ailənin real yaşayış şəraiti ilə tanış olub mümkün dəstəyinizi əsirgəməyin.. .
E. Şahbazlı
