Bu il Biləsuvarda vətəndaşlardan 111 ədəd odlu silah götürülüb.Bu barədə "Bilesuvarinfo"nun sorğusuna cavab olaraq Daxili İşlər Nazirliyinin Mətbuat Xidmətinin Lənkəran regional qrupunun baş inspektoru, polis kapitanı Məhəmməd Rzayev bildirib.
Onun sözlərinə görə, artıq bir müddətdir ki, Daxili İşlər Nazirliyi (DİN) tərəfindən vətəndaşlara qanunsuz saxlanılan odlu silahları könüllü olaraq polis əməkdaşlarına təhvil vermələri barədə çağırışlar edilir:
"Bu proses Biləsuvar rayonunda da uğurla davam etdirilir. Biləsuvar rayonunda son iki ay ərzində 47 ədəd ov tüfəngi və 2 ədəd avtomat aşkarlanaraq götürülüb. Ümumilikdə cari ilin əvvəlindən Biləsuvar Rayon Polis Şöbəsi əməkdaşları tərəfindən 1 ədəd tapança, 3 ədəd avtomat və 107 ədəd ov tüfəngi aşkarlanaraq götürülüb".
Regional qrupdan, həmçinin qeyd edilib ki, vətəndaşlar bu məsələyə daim diqqətlə və həssallıqla yanaşmalıdırlar.
