Elm və Təhsil Naziri Mehman Əliyevi direktor təyin etdi

Kamaləddin Ağayev adına Biləsuvar şəhər texniki fənlər təmayüllü internat tipli məktəb-liseyinə rəhbər təyin olunub.

Bilesuvarinfo" xəbər verir ki, Elm və Təhsil Nazirliyinin müvafiq əmri ilə Mehman Fayaz oğlu Əliyev  məktəb-liseyin direktoru təyin edilib. Bu vəzifəyə təyin olunanadək o, Şirvan-Salyan Regional Təhsil İdarəsində çalışıb. .

Qeyd edək ki, M.Əliyev Şirvan-Salyan Regional Təhsil İdarəsində çalışanadək sözügedən təhsil idarəsinin Biləsuvar rayon üzrə sektor müdiri vəzifəsini daşıyıb. Daha öncə, elə Biləsuvar şəhər K.Ağayev adına texniki fənnlər təmayüllü internat tipli məktəb-liseyin rəhbəri olub.

O,  Səmədabad kənd orta məktəbində, ardınca M.İbrahimov adına Biləsuvar Təhsil kompleksində coğrafiya müəllimi və fənn üzrə koordinator vəzifələrində çalışıb. Lənkəran Dövlət Universitetində bakalavr, Sumqayıt Dövlət Universitetində magistr təhsilini  alıb.

Mehman müəllimi təbrik edirik və fəaliyyətində uğurlar arzulayırıq!