Balış və Kubra nənənin bayramın təbrik etdilər

Biləsuvar Rayon İcra Hakimiyyətinin Başçısı Faiq Qürbətov rayonun ən  yaşlı iki qadınını ziyarət edib.

"Bilesuvarinfo" xəbər verir ki, başçı Faiq Qürbətov 8 Mart - Beynəlxalq Qadınlar Günü münasibətilə 101 yaşlı Balış nənəni və 102 yaşlı Kübra nənə ilə onların evində görüşüb. Səmimi görüşdə F. Qürbətov və digər qonaqlar  qadınlar günü münasibətilə nənələri təbrik edərək, xoş arzularını çatdırıb.

Görüşdə Kübra və Balış nənə qarşıdan gələn Novruz bayramı münasibətilə qonaqlara, həmçinin bütün biləsuvarlılara təbriklərini çatdırmış, ağbirçək xeyir - duaları verib. Nurüzlü nənələr öz keçmiş xatirələrindən, uzunömürlüyün sirlərindən də söz açıb. 
Qeyd edək Amankənd kənd sakini  Əliyeva Balış Rüstəm qızının 9 övladı, 100-ə yaxın nəvə, nəticə və kötücəsi var. Ağayrı kənd sakini
 KazımovaKübra Cavad qızı isə
4 övlad, 15 nəvə, 22 nəticə və 1 kötücə sahibidir.