Ən yaşlı Balış nənə ziyarət olundu

Biləsuvarın ən yaşlı qadını rayon rəhbərliyi tərəfindən ziyarət olunub.

"Bilesuvarinfo" xəbər verir ki, rayonun İcra Hakimiyyətinin başçısı Faiq Qürbətov  8 Mart–Beynəlxalq Qadınlar Günü münasibətilə   Əliyeva Balış Rüstəm qızının sakini olduğu 
Amankənd kəndində nənəni ziyarət edib. 
Səmimi görüş zamanı Faiq Qürbətov və qonaqlar 8 Mart Beynəlxalq Qadınlar Günü münasibətilə nənəni təbrik etdilər, xoş arzularını çatdırdılar.
Balış Əliyeva öz keçmiş xatirələrindən, uzunömürlüyün sirlərindən danışdı. Qarşıdan gələn Novruz bayramı münasibətilə biəsuvarlıları təbrik etdi, ağbirçək xeyir-dualarını çatdırdı.

Qeyd edək ki, rayonun nurüzlü yaşlı qadını  100 yaşlı Balış nənənin  9 övladı, 100-ə yaxın nəvə, nəticə,  kötücələri də var.