Fəxri xiyabanda dəfn edilən şəhid Nicat Qarazadə ziyarət olunub

Sentyabrın 12-13 tarixlərində Azərbaycan-Ermənistan dövlət sərhədində düşmən təxribatının qarşısını alarkən qəhrəmancasına şəhid olan Nicat Qarazadənin məzarı ziyarət olunub. 

"Bilesuvarinfo" xəbər verir ki, əslən Biləsuvar rayonunun İsmətli kəndindən olan şəhid Nicat Malik oğlu Qarazadə ll Fəxri xiyabanda dəfn olunub. Bu gün Abşeron rayon İcra Hakimiyyəti Başçısı  Abdin Fərzəliyev və aparatının məsul əməkdaşları, ictimaiyyət nümayəndələri, Yeni Azərbaycan Partiyası Biləsuvar rayon təşkilatı 2 saylı ərazi təşkilatının sədri Mirhənifə Mirsultanov və Nicat Qarazadənin ailə üzvləri ll Fəxri xiyabanda şəhidin məzarını ziyarət edib, önünə gül dəstələri düzüblər. 
Ziyarətə gələnlər  şəhidin Abşeron rayon Ceyranbatan qəsəbəsindəki evində, şəhidin yas mərasimində də iştirak edib. Mərasimdə şəhidin döyüş yoldaşları şəhid Nicat Qarazadə  keçdiyi şərəfli döyüş yolundan söhbət açıb. Şəhidin ailəsi onlara göstərilən diqqət və qayğıya görə Prezident, Silahlı Qüvvələrin Ali Baş Komandanı İlham Əliyevə və Birinci vitse-prezident Mehriban xanım Əliyevaya təşəkkürlərini bildiriblər.