Məktəbəqədər və Ümumi Təhsil üzrə Dövlət Agentliyinin direktoru Eşqi Bağırovun müvafiq əmri ilə Hüseyn Hüseynov Regional Təhsil İdarəsinə müdir müavini təyin olunub.
"Bilesuvarinfo" xəbər verir ki, H. Hüseynov 2009-cu ildə Lənkəran Dövlət Universitetində bakalavr, 2014-cü ildə isə Azərbaycan Dövlət İqtisad Universitetində magistratura təhsilini başa vurub.
2010–2019-cu illərdə Mübariz İbrahimov adına Biləsuvar Təhsil Kompleksində aparıcı mütəxəssis kimi fəaliyyət göstərib. 2019-2021-ci illərdə Təhsil İnstitutunun Təhsil Texnologiyaları Mərkəzində, 2022-2023-cü illərdə Elm və Təhsil Nazirliyində aparıcı məsləhətçi kimi çalışıb.
Bu vəzifəyə qədər Məktəbəqədər və Ümumi Təhsil üzrə Dövlət Agentliyində aparıcı məsləhətçi kimi fəaliyyət göstərib.
Evlidir, 2 övladı var.
