Ölkədə istehsal olunan pambığın 7,9 %-i Biləsuvarın payına düşüb."Bilesuvarinfo" xəbər verir ki, bunu Kənd Təsərrüfatı Nazirliyi və Atom Enerjisi üzrə Beynəlxalq Agentliyi arasında layihələrin təmsilçisi Nəzakət İsmayılzadə bildirib.
Pambıq Azərbaycanın 20-yə yaxın rayonunda becərilən əsas texniki bitkilərdən sayılır. 2024-cü ildə pambıq istehsalının 91,1%-i 10 rayonun payına düşüb. Əsas istehsalçı rayonlar Saatlı (13,9 %), Ağcabədi (12 %), Sabirabad (10,9 %), Salyan (9,4 %), Bərdə (9,2 %), Beyləqan (9,1 %), Neftçala (8,4 %), Biləsuvar (7,9 %), İmişli (7,1 %), Yevlax (2,9 %) olub.
Ötən il Yevlax, Saatlı, Biləsuvar, Netçala, Beyləqan və İmişli rayonlarında məhsuldarlıq göstəricisi ölkə üzrə orta göstəricidən yüksək olub.
