Biləsuvar rayonunun iki kəndində işıqlar yanmır.“Bilesuvarinfo” xəbər verir ki, rayonun Səmədabad və Nərimankənd kəndlərinin elektirik enerjisi təminatında öncə yaranan fasilələrdən sonra, dünən saat 22:00-dan ümumiyyətlə bu kəndlərin işığı kəsilib. Bu haqda danışan sakinlər onu da bildirmişlər ki, yaranmış problemlə bağlı edilən təkrar müraciətlər nəticə vermir.
Yaranmış problemə Biləsuvar Elektrik Şəbəkəsi ilə əlaqə saxlayıb aydınlıq gətirdik. Şəbəkənin mühəndisi İmran Kəlbiyev saytımıza açıqlamasında bildirmişdir: ”Bu kəndlərin elektrik təminatı daşıyıcı xətinin eyni olduğundan, Nərimankəndin elektrik transformatorunda yaranmış qəza ilə əlaqədar xətt gərginlikdən ayrılıb. Qəzanın aradan qaldırılması üçün işlər aparılır, yaxın vaxtda işlər tamamlanaraq, kəndlərin elektrik enrjisi bərpa olunacaq”
