Biləsuvarda abadlıq və təmizlik işləri davam edir.
"Biləsuvarinfo" rayon icra hakimiyyətinin saytına istinadən xəbər verir ki, Biləsuvar şəhər Kommunal Müəssisələr Kombinatının və "DOST İş Mərkəzi" MMC-nin əməkdaşları tərəfindən şəhərin ayrı-ayrı küçələrində gündəlik aparılan abadlıq və təmizlik işləri ilə yanaşı bu gündən başlayaraq piyada səkilərinin ətrafına yığılan torpaq hissələri də yuyularaq təmizlənir.
İdarənin kollektivi tərəfindən şəhər ərazisində təmizlik işləri ilə yanaşı mütəmadi olaraq ağacların budanması işləri aparılır, yeni salınmış parklarda əkilən ağaclar suvarılır və tullantılar daşınır. Həyata keçirilən təmizlik işlərinə xeyli canlı qüvvə və texnikalar cəlb olunur.
Qeyd edək ki, görülən işlər şəhərimizin daha təmiz və abad olması, habelə sakinlərin rahatlığını təmin etmək məqsədilə həyata keçirilir. Sakinlər və şəhərimizin qonaqlarından görülən işləri dəstəkləyərək, təmizliyə riayət etmələri və yaşıllıqları qorumaları xahiş olunur.
