Biləsuvar rayonunda əhalini narahat edən problemlərin yerlərdə birbaşa həlli məqsədilə rayon İcra Hakimiyyəti başçısı tərəfindən səyyar qəbullar keçirilir.
“Bilesuvarinfo” xəbər verir ki, Biləsuvar rayon İcra Hakimiyyəti Başçısı Faiq Qürbətovun növbəti görüşü və səyyar qəbulu Ismətli kəndində keçirildi. Görüşdə kənd sakinlərinin şikayət və təklifləri rayonun aidiyyatı idarə, müəssisə və təşkilat rəhbərlərinin iştirakı ilə dinlənilib.
Səyyar qəbulda İsmətli kənd İcra nümayəndəsi Mübariz Mürsəlov çıxış edərək kənddə görülmüş işlərdən danışdı və qarşıda duran problemlər barədə məlumat verdi. O, qeyd etdi ki, İsmətli kəndində 700 təsərrüfatda 4740 nəfər əhalisi olan kəndin ümumi torpağ fondu 2334 hektardır.Kənddə fəaliyyət göstərən təşkilatların, təhsil, səhiyyə və mədəniyyət müəssisələrinin fəaliyyətindən danışan icra nümyəndəsi M. Mürsəlov ölkəmizin sosial, iqtisadi hətatında görülən işlərə görə sakinlər adından ölkə Prezidenti cənab İlham Əliyevə öz dərin minnətdarlığını bildirdi.
Rayonda kənd təsərrüfatı, xüsusilə pambıqçılıq yüksək sürətlə inkişaf edir. Görülən bütün bu işlər, həyata keçirilən tədbirlər sonda yalnız bir amala xidmət edir ki, bu da əhalimizin yaxşı yaşaması, insanlarımızın fəaliyyəti üçün iş yerlərinin yaradılması və onların sosial rifahının və həyat səviyyəsinin daha da yaxşılaşmasıdır. Bu fikirləri də görüş zamanı rayon İcra Hakimiyyətinin başçısı Faiq Qürbətov sələndirmişdir. İsmətli kənd əhalisinin problemlərini dinlədi və vətəndaşlar tərəfindən qaldırılan məslələlərin həll olunması məqsədi ilə aidiyyəti təşkilatlara tövsiyə və tapşırıqlarını verdi.
Qeyd edək ki, başcı F. Qürbətovun mart ayında yerlərdə keçirilməsi nəzərdə tutulan səyyar qəbulun qrafikinə uyğun olaraq Amankənd kəndində də görüş baş tutub. Bu ayın sonunadək Aşağı Cürəli və Xırmandalı kəndlərində sakinlərlə də görüş olacaq.
