Xırmandalı kəndində "Ahıllar bağı"nın əsası qoyuldu

Balharı çayının Xırmandalı kəndindən keçən hissəsində, uzun illərdən bəri tullantıların atıldığı ərazi təmizlənərək, yerində "Ahıllar bağı"nın salınmasına başlanılıb.

Bu gün kənd icra nümayəndəliyinin təşəbbüsü ilə keçirilən iməclikdə bu əraziyə 100-ə yaxın Xan çinarı və Eldar şamı ağacları əkilib.

Kənd sakinlərinin aktiv şəkildə iştirak etdiyi iməclikdə əkilən ağaclar suvarıldıqdan sonra,  bağın salındığı ərazi hasara alınıb. Əhalinin istirahəti üçün salınan “Ahıllar bağı"nın lazimi şəraitlə təmin olunması üçün digər zəruri işlər də davam etdiriləcəkdir.

Qeyd edək ki, bağın salınmasında sahibkar Əflan  Əmənovun yaxından dəstəyi olub.