Biləsuvar rayonunda ağır yol-nəqliyyat hadisəsi baş verib."Bilesuvarinfo" xəbər verir ki, hadisə köhnə Ələt -Astara avtomobil yolunun Cəlilabad rayon ərazisindən keçən hissəsində baş verib.
Belə ki, Bakı şəhər sakini Nizami Səfərovun idarə etdiyi "Mercedes" markalı minik avtomobili ilə Biləsuvar sakini Əhmədov Aqil Nadir oğlunun idarə etdiyi "VAZ- 2107" markalı minik avtomobili toqquşub.
Qəzada minik avtomobillərinə ciddi ziyan dəyib. Ayaqlarından sınıq xəsarətləri alan, "VAZ- 2107" avtomobilin sürücüsü
A.Əhmədov Biləsuvar Rayon Mərkəzi Xəstəxanasına çatdırılıb, həkim nəzarətindədir.
Faktla bağlı araşdırma aparılır.
