Biləsuvar rayonunda Aqrar İnnovasiya Festivalı keçirildi

Kənd Təsərrüfatı Nazirliyinin Aqrar İnnovasiya Mərkəzinin təşkilatçılığı ilə növbəti Aqrar İnnovasiya Festivalı Biləsuvar rayonunda keçirilib.

"Bilesuvaronfo" xəbər verir ki, festival çərçivəsində mövsümün 8-ci toxum sərgi-satış yarmarkası təşkil edilib. 

Festivalda Biləsuvar rayonu ilə yanaşı Neftçala, Cəlilabad, Masallı, Lənkəran, Astara, Lerik, Yardımlı rayonlarından fermerlər və toxum istehsalçıları iştirak ediblər.

Kənd təsərrüfatı sahəsində yeniliklərin təbliği, fermerlər və sahibkarlar arasında işgüzar əlaqələrin genişləndirilməsi istiqamətində keçirilən festivalda yerli və xarici şirkətlər tərəfindən müxtəlif innovativ məhsul və texnologiyalar nümayiş etdirilib. Kənd Təsərrüfatı Nazirliyinin tabeli qurumları festivalda öz məsləhət və xdimətlərini fermerlərin nəzərinə çatdırıblar.

Festival zamanı mütəxəssislər tərəfindən kənd təsərrüfatı məhsul istehsalçılarına məsləhət xidməti göstərilib, nümayiş olunan məhsul və texnologiyaların iş prinsipi və onlardan istifadənin üstünlükləri barədə məlumat verilib. 

Qeyd edək ki, Biləsuvar rayonunda keçirilən Aqrar İnnovasiya Festivalı bölgələrdə təşkil edilən sayca 25-ci sərgidir.
Surxay Şahbazov