Sentybar ayının 11-də Biləsuvar rayonunun Dəvrişli kəndində I Qarabağ müharibəsi şəhidi Sultanov Nemət Mirişıq oğlunun anım günü münasibətilə ata yurdu ziyarət edilib. Ziyarətdə YAP Biləsuvar rayon təşkilatının sədri Kamil Qurbanlı, Rayon Ağsaqqallar şurasının sədri Akif Kazımov, Dəvrişli kənd ərazi partiya təşkilatının sədri Sakit Şərbətov, şəhidin ailə üzvləri və partiya fəalları iştirak ediblər.
Tədbirdə qəhrəman Şəhidimizin şərəfli döyüş yolundan söz açılmış xatirəsi yad edilmişdir. İştirakçılar bildirmişlər ki, Azərbaycan xalqının qüruru, fəxri olan Şəhidlərimizin xatirəsinin daima əziz tutulacaq, dövlətimiz hər zaman Şəhidlik zirvəsinə ucalan igidlərimizin ailələrinin yanında olacaqdır.
Daha sonra kənd qəbirstanlığında şəhidin məzarı ziyarət olunub, ruhuna dualar oxunub.
Məlumat üçün qeyd edək ki,Azərbaycan Ordusunun əsgəri olmuş şəhid Sultanov Nemət Mirişıq oğlu 23 avqust 1973-cü ildə Biləsuvar rayon Dəvrişli kəndində anadan olub. 9 mart 1992-ci ildə Biləsuvar Rayon Hərbi Komisarlığı tərəfindən hərbi xidmətə çağrılmışdır. 16 avqust 1992- ci ildə Kəlbəcər rayonu uğrunda gedən döyüşlərdə şəhid olub, 11 sentyabr 1992-ci ildə Dəvrişli kənd qəbirstanlıqında dəfn olunmuşdur. Ölümündən sonra adı əbədiləşdirilərək təhsil aldığı Dəvrişli kənd tam orta məktəbinə və kəndin küçələrindən birinə verilmişdir.
Allah rəhmət eləsin!
