Biləsuvar rayonu ərazisində yeni tut bağı salınır. "Bilesuvarinfo" xəbər verir ki, bu məqsədlə “Su qıtlığından əziyyət çəkən həssas qrupların yeni təsərrüfat sahəsi vərdişlərinə yiyələnməsi və iqtisadi güclənmə” layihəsinə başlanılıb. Layihənin məqsədi hədəf icmalarda dayanıqlı təsərrüfat ənənələrinə əsaslanan baramaçılığa dair biliklərin artırılması, baramaçılığın inkişafı vasitəsi ilə aztəminatlı qadınların işlə təmin olunması və gəlir əldə etmək imkanına nail olmasıdır.
Qeyd edək ki, "Biləsuvar Qadınların Sosial İnkişafına Dəstək İctimai Birliyi"nin bu layihəsi (Natəvan Əzizovanın müəllif olduğu) Azərbaycan Respublikası Kənd Təsərrüfatı Nazirliyi ilə tərəfdaşlıq, Biləsuvar Rayon İcra Hakimiyyətinin dəstəyi ilə həyata keçirilir. Layihə çərçivəsində 30000 ədəd tut tinginin əkilməsinə Biləsuvar – Şuşa yolunun ətrafında başlanılıb.
