Mehrab Abbasov vəfat edib

Biləsuvar rayonunun veteran rabitə işçisi, ağsaqqal Mehrab Abbasov haqq dünyasına qovuşub.

“Bilesuvarinfo” xəbər verir Mehrab Abbasov bu gün sakini olduğu Biləsuvar şəhər qəbiristanlığında torpağa tapşırıldı. 

Qeyd edək ki, Mehrab Hüsey oğlu Abbasov yaşadığı 82 illik ömür payının 50 ildən çoxunu Biləsuvar rayonunun rabitəsinə həsr edib. Uzun illər rayon Telekommunikasiya Qovşağında çalışmış, YAP rayon təşkilatının fəaliyyətində daim fəallıq göstərmiş, rayonun ictimai-siyasi həyatında aktiv fəaliyyəti ilə seçilib. Biləsuvar rayon Əmək Veteranları Şurasının sədri idi.