Sabah Biləsuvar rayonunda pambıq yığımı bayramı keçiriləcək. Rayon icra hakimiyyətindən "Bilesuvarinfo"ya verilən məlumata görə, tədbir rayonun Köhnə Əmənkənd kəndində baş tutacaq (saat 14:00).
Bayram tədbirində rayon rəhbərliyi, hüquq-mühafizə orqanlarının rəhbərləri, idarə, müəssisə, təşkilat rəhbərləri, ictimaiyyətin nümayəndələri, kəndlər üzrə icra nümayəndələri, kənd sakinləri, pambıq şirkətləri, fermerlər iştirak edəcək.
Həmçinin tədbirdə kənd məhsullarının sərgi-satış yarmarkası təşkili olunacaq.
Tədbirdə Biləsuvar Regional Mədəniyyət İdarəsinin musiqi kollektivi də iştirak edecək.
Bayram tədbiri zamanı əl ilə, eləcə də texnika ilə pambıq yığımı həyata keçiriləcək.
