Nərgizin uğuru

Mübariz İbrahimov adına bağça-lisey kompleksinin   şagirdi beynəlxalaq olimpiadada medal qazanıb.

“Bilesuvarinfo” xəbər verir ki, təhsil ocağının 4-ci sinif şagirdi olan Tahirli Nərgiz Rəşad qızı İngilis dili ilə bağlı beynəlxalaq olimpiadada xüsusi fəallığı ilə seçilib. O, bilik yarışının final mərhələsinə çıxaraq, gümüş medala layiq görülüb.

Qeyd edək ki, Junior English Olympiad (JEO) beynəlxalaq olimpiada 1-6-cı sinif şagirdlərinə İngilis dili biliklərini sınağa çəkmək və inkişaf etdirmək imkanı təqdim edir. Yarış müxtəlif səviyyələrdə dil bacarıqlarını əhatə edən problemlər və tapşırıqlar üzərində qurulmuşdur.

Final mərhələsi Avstraliyada təşkil olunacaq, bu isə iştirakçılara qlobal səviyyədə öz bacarıqlarını nümayiş etdirmək və beynəlxalq təcrübə qazanmaq imkanı verir.