Biləsuvarda Vətən müharibəsinin son günləri şəhadətə yüksələn şəhidlərin ildönümləri qeyd olunub."Bilesuvarinfo" xəbər verir ki, şəhidlərin anım mərasimlərində Biləsuvar Rayon İcra Hakimiyyəti başçısının birinci müavini Azər Cəfərli, YAP Biləsuvar rayon təşkilatının əməkdaşı Atəş Məmmədli, SHXDÇX-nin Biləsuvar rayon şöbəsinin rəisi Nağı Cəfərov, partiya fəalları və ictimaiyyət nümayəndələri iştirak edib.
Qeyd edək ki, bu gün şəhadətlərinin ikinci ildönümləri qeyd olunan Vətən müharibəsi qəhrəmanları - Biləsuvar rayonunun Çaylı kəndindən Məmişli Sahil Ağaverdi oğlu, Zəhmətabad kəndindən Qasımzadə Nicat Höccət oğlu və Biləsuvar şəhərindən olan Əzizli Elnur Şahin oğludur.
Mərasim iştirakçıları şəhidlərimizin əziz xatirələrini ehtiramla anıb, ruhlarına dualar oxuyub və valideyinlərinə başsağlığı veriblər. Məzarları ziyarət olunan şəhidlərimizin ölməz qəhrəmanlıqlarından söz açılıb.
