Vətən müharibəsi şəhidi Kamran Məmmədzadənin doğum günüdür

Bu gün Vətən müharibəsində qəhrəmancasına şəadətə ucalan Kamran Məmmədzadənin doğum günüdür.

"Bilesuvarinfo" xəbər verir ki, bu münasibətlə şəhidin məzarı ziyarət edilib və üzərinə tər güllər düzülüb.

Qeyd edək ki, şəhid Məmmədzadə Kamran Füzuli oğlu 24.03.1996-cı ildə Biləsuvar rayonu, Çaylı kəndində anadan olub. Kamran Vətən müharibəsində igidlik və mərdlik göstərərək 29.09.2020-ci ildə Füzuli istiqamətində gedən döyüşlərdə qəhrəmancasına şəhid olub.

O, Vətən müharibəsində göstərdiyi igidlik və qəhrəmanlıqlara görə “Vətən uğrunda”, “Cəsur döyüşçü”, “Füzulinin azad olunmasına görə” və “Cəbrayılın azad olunmasına görə” medalları ilə təltif edilib.