Biləsuvarda dağıntılar altından çıxarılan şəxslər bacı-qardaşdır - FOTO - YENİLƏNİB

Biləsuvarda partlayışda dağıntılar altından çıxarılan şəxslərin bacı-qardaş olması məlum olub. 

"Bilesuvarinfo"nun məlumatına görə, həmin şəxslər Fərqanə Əliyeva  Yusif Əliyevdir.

Onlar Fövqəladə Hallar Nazirliyinin qüvvələri tərəfindən həyata keçirilən operativ axtarış-xilasetmə tədbirləri sayəsində dağıntılar altından sağ çıxarılaraq təcili tibbi yardım briqadalarına təhvil verilib.

Hımin şəxslər ağır vəziyyətdə Biləsuvar rayon Mərkəzi Xəstəxanasının reanimasiya şöbəsinə yerləşdirilib. 

Hazırda axtarış-xilasetmə əməliyyatı davam edir.

***2023-04-24 19:53:05

Biləsuvarda binada güclü partlayış olub.

"Bilesuvarinfo"nun məlumatına görə, hadisə şəhər ərazisində yerləşən beşmərtəbəli binaların birində qeydə alınıb. 

Hadisə yerinə hüquq-mühafizə orqanlarının əməkdaşları, yanğınsöndürənlər və təcili tibbi yardım briqadaları cəlb olunub.

Şahidlərin sözlərinə görə, partlayış o qədər güclü olub ki, səsi şəhərətrafı kəndlərdə də eşidilib.