Biləsuvar rayonunda iki nəfər dəm qazından zəhərlənib."Bilesuvarinfo" xəbər verir ki, hadisə rayonun Ağayrı kəndində qeydə alınıb.
Belə ki, bir evdə olan kənd sakinləri, 1962-ci il təvəllüdlü kişi və 1975-ci il təvəllüdlü qadın dəm qazından zəhərləniblər.
Zəhərlənən şəxslər rayon xəstəxanasına çatdırılıb.
Digər hadisə isə rayonun Xırmandalı kəndində olub.
Belə ki, kənd sakini, 1991-ci il təvəllüdlü kişi bıçaqlanma ilə rayon xəstəxanasına gətirilib.
Biləsuvar rayon Mərkəzi Xəstəxanasından "Bilesuvarinfo"nun sorğusuna cavab olaraq bildirilib ki, hər 3 şəxsə lazımi tibbi yardım göstərilib:
"Ölüm halı qeydə alınmayıb".
Faktlarla bağlı araşdırma aparılır.
