Biləsuvarda piyadanın vurulması ilə nəticələnən yol nəqliyyatı hadisəsi baş verib. "Bilesuvarinfo" xəbər verir ki, hadisə Biləsuvar - Bəhrəmtəpə avtomobil yolunun Nərimankənd kəndindən keçən hissəsində olub.
Belə ki, Füzuli rayon sakini "Mercedes"
markalı minik avtomobili ilə hərəkətdə olarkən, yolu keçmək istəyən 43 yaşlı Əliyev Əhəd Əlövsət oğlunu vurub.
Qəzada müxtəlif dərəcəli bədən travması alıb qıçı qırılan piyada Biləsuvar Rayon Mərkəzi Xəstəxanasına çatdırıllıb. Vəziyyəti qənaətbəxş qiymətləndirilir.
Faktla bağlı araşdırma aparılır.
