Biləsuvar şəhərində kanalizasiya sisteminin çəkilişi işləri küçələrində problemlərə yol açıb.Belə ki, artıq işləri tamamlanmış küçələrdə yolların bərpası yubanır. Bu barədə "Bilesuvarinfo"ya sakinlər məlumat verib.
Onların sözlərinə görə, yollar artıq yarım ildir ki, bərbad vəziyyətdədir. Bundan isə ən çox əziyyət çəkən sürücülərdir:" "Azərsu" şəhərin kanalizasiya çəkilişinə görə yolları qazıb. Artıq işlər başa çatıb. Amma buna baxmayaraq hələ də yollar əvvəlki vəziyyətinə qaytarılmayıb".
Onların bildirdiyinə görə, 3 - 4 aydır görülən kimi yollarımız bərbad vəziyyətdədir: "Bu hal şəhərin mərkəzi küçəsi ilə yanaşı, Nizami Gəncəvi və Mübariz İbrahimov küçələrində də eyni vəziyyətdir. Yollar dağıldığından avtomobillərimizin ehtiyat hissələri tez-tez sıradan çıxır. Yağmurlu havada yol daha da keçilməz vəziyyətə düşür. Digər tərəfdən hərəkət zolağının eninin azalması qəzaların artmasına səbəb olur".
Problemlə bağlı Azərsu ASC–nin sözçüsü Anar Cəbrayılıov bildirdi ki, Biləsuvar rayonunda dövlət büdcəsi hesabına kanalizasiya xətləri tikintisi həyata keçirilib. Artıq işlər yekunlaşıb. Həmin ərazidə əks dolğu kipləşdirmə işləri aparılıb. O ki, qaldı yolun asfalt örtüyünün vurulmasına, bu işlər yol təsərrüfatı tərəfindən yaxın günlərdə aparılacaq. Bununla bağlı artıq müqavilə də imzalanıb. Qurumdan o da bildirildi ki, yağmurlu hava şəraiti başa çatan kimi bu istiqamətdə işlərə start veriləcək.
