Arzu və səylər varsa, insan həyatda qarşılaşdığı çətinlikləri dəf edə və uğura doğru inamla irəliləyə bilər. Bu fikrin bariz nümunələrindən biri də Yunsurzadə Ləman Vəlahəddin qızıdır.O, Mübariz İbrahimov adına bağça-liseyin qabacıl məzunlarındandır, bu il Azərbaycan Dövlət Xarici Dillər Universitetinin “İngilis dili” fakültəsini yüksək göstəricilərlə başa vurub.
Ləman müəllimlərin işə qəbulu (MİQ) imtahanında topladığı 89.25 bal ilə ən yüksək nəticəyə imza ataraq liderlər sırasında mövqe qazanıb. Əldə etdiyimiz ilkin məlumata görə, onun nəticəsi Biləsuvarda və Şirvan - Salyan Regonal Təhsil idarəsini əhatə edən digər rayonlarda müəllimlərin işə qəbulu üzrə müsabiqədə (MİQ) bu günə qədərki ən yüksək nəticədir.
Doğma rayonunda pedoqoji fəaliyyətə başlamaq arzsunda olan Ləman, ixtisasına böyük sevgi ilə yanaşaraq şagirdlərinə bilik verməyi qarşısına məqsəd qoyub.
Ona gələcək fəaliyyətində uğurlar arzu edirik!
