Nazir müavini Biləsuvar rayonunda vətəndaşları qəbul edib

Aprelin 5-də Azərbaycan Respublikası Elm və Təhsil  nazirinin müavini Həsən Həsənli Biləsuvar rayonunda vətəndaşları qəbul edib.  

"Bilesuvariinfo" xəbər verir ki, qəbuldan əvvəl nazir müavini Həsən Həsənli və Biləsuvar Rayon İcra Hakimiyyətinin başçısı Faiq Qürbətov Ulu öndər Heydər Əliyevin abidəsi ziyarət edərək, önünə gül dəstələri düzüblər. 

Biləsuvar rayon sakinlərinin iştirak etdiyi qəbulda vətəndaşların müraciətləri işə qəbul, ümumi təhsil və digər məsələlərlə bağlı olub.

Nazir müavini Həsən Həsənli qəbula yazılmış vətəndaşları dinləyib, hər bir müraciətin operativ şəkildə araşdırılması, qaldırılan məsələlərin qanunvericiliyə uyğun həlli istiqamətində tapşırıqlar verib.