Azərbaycan Respublikasının Prezidenti İlham Əliyevin fəaliyyətinin prioritet istiqamətlərindən olan korrupsiyaya qarşı mübarizə sahəsində aparılan ardıcıl və məqsədyönlü işlər çərçivəsində Şirvan-Salyan Regional Təhsil İdarəsinin tabeliyində olan Neftçala və Biləsuvar sektorunda korrupsiya ilə əlaqədar hüquqpozmaların qarşınısının alınması məqsədilə tədbir təşkil olunub.
"Bilesuvarinfo" xəbər verir ki, tədbirdə çıxış edənlər ölkəmizdə korrupsiyaya qarşı mübarizə sahəsində həyata keçirilən institusional işlər barədə məlumat verdilər.
Tədbir iştirakçıları korrupsiya hüquqpozmaları, bu növ əməllərə görə tətbiq edilən məsuliyyət tədbirləri, korrupsiyanın ictimai və iqtisadi həyata neqativ təsirləri, korrupsiyaya şərait yaradan amillər, maraqların toqquşması, məlumat təhlükəsizliyi, ölkəmizdə və beynəlxalq təcrübədə həyata keçirilən antikorrupsiya strategiyalarının əsas istiqamətləri və s. məsələlər haqda məlumatlandırıldılar.
