Biləsuvarda məktəbin bir sinfində şagirdlər 100 faizlik nəticə göstəriblər.
Bu barədə "Bilesuvarinfo"ya məktəbin direktoru Elşən Ağazadə məlumat verib.
Belə ki, söhbət Biləsuvar şəhər Əlövsət Eynullayev adına 4 nömrəli tam orta məktəbin 11a sinfindən gedir.
Həmin sinfin məzunları yüz faiz nəticə göstərərək hər biri ali məktəbə qəbul olub.
Onlardan bir nəfəri Azərbaycan Dillər Universitetinə, bir nəfəri Bakı Slavyan Universitetinə, beş nəfəri Bakı Dövlət Universitetinə, bir nəfəri Xəzər Universitetinə, beş nəfəri Lənkəran Dövlət Universitetinə, üç nəfəri Dövlət İqtisad universitetinə, bir nəfəri İdarəçilik akademiyasına, bir nəfəri Azərbaycan Dövlət Pedaqoji universitetinə və bir nəfəri Dövlət Sərhəd xidməti akademiyasına
qəbul olub.
Qeyd edək ki, Biləsuvar şəhər Əlövsət Eynullayev adına 4 nömrəli tam orta məktəbi Şirvan-Salyan Regional Təhsil İdarəsinin tabeliyində fəaliyyət göstərir.
