YENİ DÖVRÜN YENİ ÇAĞIRIŞLARI

       Prezident İlham Əliyevin andiçmə mərasimində səsləndirdiyi fikirlər dövlətimizin gələcək hədəflərini bəlirləyən konseptual məzmunlu tarixi çıxış idi. Hələ ötən ilin sonunda  Dünya azərbaycanlılarının həmrəylik günü və yeni təqvim ili münasibətilə xalqa müraciətində, eləcədə, bu ilin yanvar ayının 10-da yerli televiziya kanallarının müxbirlərinə verdiyi müsahibəsində cənab İlham Əliyev ölkəmizin yeni dövrə qədəm qoyduğunu və bu yeni dövrə yeni prinsiplərlə daxil olmağın lazım gəldiyini vurğulayır və bu prinsiplərin həyayat keçirilməsindən ötrü Azərbaycanda sosial, iqtisadi, siyasi və mədəni bazisin olduğunu qeyd edirdi. Bu baxımdan   inaqurasiya mərasimində cənab İlham Əliyevin səsləndirdiyi fikirlər  dövlətimiz, xalqımız və bütün dünya azərbaycanlıları üçün yol xəritəsidir. Məhz ötən 20 il ərzində cənab İlham Əliyevin rəhbərliyi altında həyat keçirilən islahatlar, icra olunan   infrastruktur layihələri, güclü iqtisadiyyatın, ordunun qurulması, daxili sabitliyin  və iqtidar-xalq birliyini  təmin olunması yeni dövrə yeni prinsiplərlə daxil olmaq   üçün mühüm əsaslar yaradıb. Heç şübhəsiz ki, 30 ildən artıq müddət ərzində düşmən işğalında olan torpaqlarımızın məhz Ali Baş Komandan İlham Əliyevin rəhbərliyi altında azad  olunması yeni dövrün başlanmasını şərtləndirən ən mühüm amildir. Torpaqlarımızın işğal altında olduğu müddətdə “beynəlxalq güc”lər bizi çaşdırmaq üçün, başqa sözlə   gözdən pərdə asmaq üçün müəyyən vədlərlə cəlb etməyə çalışırdılarsa, indi o maskalar da yırtılıb və açıq-aydın bəlli olub ki, dost kimdir, düşmən kimdir. Bu vəziyyət həm də imkan veriir ki, qarşıdakı dövr ərzində daha azad, daha müstəqil və daha ötkəm siyasət yürütməklə dövlətimizin və xalqımızın yeni inkişaf  mərhələsinə adlamasına nail olaq. Hazırda Azərbaycanın  ixrac coğrafiyasının, eləcədə ərazilərimizdən keçən və keçəcək nəqliyyat qovşaqlarının genişləndirilməsi, şaxələndirilməsi, rəqabətədavamlı istehsal potensialının yüksəldilməsi, əhalimizin sosial rifah halının daha da yaxşılaşdırlması istqamətində müntzəm addımalrın atılması, təhsil, səhiyyə, mədəniyyət sahələrindəki innovativ addımlar yeni yanaşamalar üçün baza formalaşdırıb. Düşməndən azad edilmiş ərazilərimizdə yeni quruculuq işləri, məcburi köçkünlərin öz ata yurdlarına qayıdışının yüksək səviyyədə təşkilini də bura əlavə etsək deyə bilərik ki, artıq yeni inkişaf dövrünün təməli qoyulub. 
          Əlbətdəki, daxili siyasətin davamı olaraq beynəlxalq aləmdə hər gün artan nüfuz və bu nüfuzun təkcə dünyadakı dəyərləri əxz etməmizlə deyil, həm də milli dəyərlərimizə söykənərək əldə etdiklərimiz xalqımızın öz tarixi ideallarını gerçəkləşdirmək baxımıdndan da olduqca böyük əhəmiyyətə malikdir. Ulu öndər Heydər Əliyev məhz bu yanaşmanı əsas götürərək deyirdi ki; - “Azərbaycan dünyaya milli və bəşəri dəyərlərlə açılmalıdır”. Artıq o dövr gəlib çatmışdır. Bu gün cənab İlham Əliyevin Qoşulmama Hərəkatının nüfuzlu beynəlxalq təşkilat çevirlməsi yolunda atdığı addımlar yeni dünya düzəninə olan zəruri ehtiyacı şərtləndirən mühüm faktorlardandır. Bundan başqa uzun əsrlərdir dünya ağalığına can atan, humanizm pərdəsi arxasında gizlənən və əslində  neokolonialist yanaşmaları ilə yeni əraziləri və “beyinləri” işğal etməyə can atan antibəşəri dövlətlərin, xüsusilə münaqişə ocaqları mövcud olan regionlara selektiv yanaşama nümayiş etdirən “güclər”in məhz dövlət rəhbərimiz, dünya azərbaycanlılarının lideri, türk dünyasının böyük oğlu İlham Əliyevin sayəsində  maskalarının yırtılması ölkəmizin artan nüfuzunun sayəsində mümkün olmuşdur. Lakin cənab prezidentin andiçmə mərasimində  ifadə etdiyi kimi  arxayın olmaq olmaz, çünki o qüvvələr dayanmayacaqlar, öz çirkin niyyətlərini həyata həyat keçirməkdən ötrü hələ çox “çalışacaqlar”. Odur ki, fevral ayının 14-də cənab prezidentin  Azərbaycan parlamentinin kürsüsündən ifadə edildiyi kimi; - “Elə bir gənc nəsil yetişdirməliyik ki, onlar daim milli ənənələrə, milli-mənəvi dəyərlərə sadiq olsunlar, onların beyinləri saf olsun. Onların beyinlərini zəhərləmək istəyəndə heç kim uğura nail olmasın”. Bəli bu gün artıq dünyada güc sahibi olmaq üçün heç də müharibələr etmək, insan qanı axıtmaq mütləq əsas deyil. Həmin regionun, yaxud ayrıca götürülmüş bir ölkənin əhalisinin beynini “ələ almaq”, öz ideoloji silahalrından istifadə etməklə cəmiyyətləri yönəltmək beynəlxalq siyasətin mühüm alətinə çevrilmişdir. Cənab ilham Əliyev andiçmə mərasimində ənənlərimizə sadiqliyimiz, milli dəyərlər üzərində inşa edilən azərbaycanlı ailəsi barədə danışarkən məhz dünyadakı çirkin oyunlara müqavimətimizin istinadgahı kimi bunları nəzərədə tuturdu. Fikirini ifadə edərək qeyd edirdi ki; -“Milli-mənəvi dəyərlər bizim cəmiyyətiizin əsasıdır və bu, sarsılmaz varlıqdır, sarsılmaz  dəyərdir və bunu sarsılmaz etmək bizim əlimizdədir”. 
        Bu gün hər birimiz dövlətimizə, xalqımıza, milli-mənəvi dəyərlərimizə, adət-ənənələrimizə münasibətdə məhz cənab İlham Əliyevin  həyat keçirdiyi islahatları, siyasi-ideoloji xətti əsas götürməli, bütün dünyaya dövlət-xalq-iqtidar birliyinin nələrə qadir olduğunu nümayiş   etdirməli, cənab prezidentin andiçmə mərasimi zamanı səsləndirdiyi fikirlərin  tariximizə qızıl hərflərlə yazılması ilə yanaşı, həm də bu fikirlərin yeni prinsiplər və çağırışlar olaraq həyata keçirilməsindən ötrü  bütün qüvvəmizi səfərbər etməliyik.