Biləsuvardan gedən nümayyəndə heyəti Türkiyyədə görüşlər keçirib

Biləsuvar rayon İcra Hakimiyyətinin Başçısı Faiq Qürbətovun rəhbərliyi ilə Türkiyə Respublikasında səfərdə olan nümayəndə heyəti bir sıra görüşlər keçirib.

“Bilesuvarinfo” xəbər verir ki, Biləsuvar Rayon İcra Hakimiyyətinin başçısı Faiq Qürbətov Çameli bələdiyyəsinin sədri Cengiz Arslan ilə görüşüb.
Görüşdə Türkiyə və Azərbaycan arasında tarixi dostluq və qardaşlıq münasibətlərindən söz açan Faiq Qübətov bildirib ki, tarix boyu hər iki qardaş xalq istər xoş günlərdə, istərsə də çətin vaxtlarda birlik nümayiş etdirib, bir-birinin sevincini və kədərini bölüşüb: “Azərbaycan ilə Türkiyə arasında əlaqələrin ən yüksək səviyyədə olması bütün dünyaya bəllidir. Vətən müharibəsi zamanı hər kəs buna bir daha əmin oldu. Qırx dörd günlük qürur dolu tarixin ilk günlərindən qardaş Türkiyə Azərbaycana siyasi-mənəvi dəstək verdi. Bu da təbii olaraq gücümüzə güc qatmaqla əldə etdiyimiz möhtəşəm tarixi qələbədə mühüm rol oynadı.. .”

Faiq Qürbətov Türkiyədə səfərdə olduğu müddətdə onlara göstərilən yüksək qonaqpərvərliyə görə Çameli bələdiyyəsinin sədri Cengiz Arslana və bələdiyyənin kollektivinə dərin təşəkkürünü bildirib,  bələdiyyənin “Xatirə Kitabı”na xoş sözlərini yazıb.
Görüşdə qarşılıqlı olaraq hədiyyələr təqdim edilərək, xatirə şəkilləri çəkdirilib.