İqtisadiyyat nazirinin müavini Biləsuvar şəhərində vətəndaşlarla görüşəcək

İqtisadiyyat nazirinin müavini Sahib Məmmədovun oktyabrın 20-də Biləsuvar şəhərində (ünvan: Biləsuvar şəhəri, Mübariz İbrahimov küçəsi 213 - Heydər Əliyev Mərkəzi) Biləsuvar və Salyan rayonlarından olan vətəndaşlarla görüşəcək.

Nazirlikdən "Bilesuvarinfo"ya bildirilib ki, vətəndaşların qəbulu saat 11:00-dan etibarən keçiriləcək.

Qəbula gəlmək istəyən Biləsuvar və Salyan rayonlarından olan vətəndaşlar İqtisadiyyat Nazirliyinin rəsmi internet səhifəsində qeydiyyatdan keçməklə və ya "195-1" Çağrı Mərkəzinə zəng etməklə Nazirliyin fəaliyyət istiqamətlərinə dair məsələlərlə bağlı müraciət edə bilərlər.