Mərkəzi stadionda təmirdən sonra ilk yarış keçirildi

Biləsuvar rayon Mərkəzi stadionunda 18 Oktyabr - Müstəqilliyin Bərpası Gününə həsr olunmuş futbol yarışı keçirilib.

"Bilesuvarinfo" xəbər verir ki, futbol yarışı Biləsuvar Rayon İcra Hakimiyyətinin və Rayon Gənclər və İdman idarəsinin birgə təşkilatçılığı ilə keçirilib. Tədbirdə Biləsuvar Rayon İcra Hakimiyyətinin başçısı Faiq Qürbətov, rayonun hüquq-mühafizə orqanlarının, YAP Biləsuvar Rayon Təşkilatının, Gənclər və İdman İdarəsinin rəhbərləri iştirak edib.
Yarış öncəsi Ulu öndər Heydər Əliyevin və şəhidlərimizin əziz xatirəsi bir dəqiqəlik sükutla yad edilib, Dövlət Himnimiz səsləndirilib.

Biləsuvar rayon Olimpiya İdman Kompleksinin komandası ilə Dərvişli kəndinin  komandası arasında maraqla davam eddən yoldaşlıq görüşündə Olimpiya İdman Kompleksinin  komandası Dərvişli kənd komandasına 4-1 hesabı ilə qalib gəlib.
 
Qeyd edək ki, tarixi gün münasibətilə yoldaşlıq görüşün  keçirildiyi  Mərkəzi stadion uzun müddət baxınsız qalmışdı. Stadionda aparılan yenidənqurma  işlər burada futbol yarışlarının keçirilməsinə yenidən əlverişli  şərait yaradıb.

Yarışın sonunda komandalar diplomlarla təltif edildilər.