“Əkin sahərimizə gedən yolu da əkiblər.. .”
Biləsuvarın Çaylı kəndində bir qrup mülkiyyətçi dövlət tərəfindən onlara verilən torpağı becərə bilmir.
“Bilesuvarinfo” xəbər verir ki, kənd sakinlərinin əkin sahəsini becərə bilməməsi əraziyə gedən yolun olmamasıdır. Belə ki, kənd sakini Niyaz Kərimov müraciətində bildirib ki, kəndimizə yaxın olan ərazidə bizə verilən pay torpaq sahələrində əkin aparsaq da, gediş-gəliş xeyli çətinləşib: “ Əvvəlki illərdə qonşu torpaq sahibinin əsasını qoyduğu bu ənənə bu ildən digər mülkiyyətçilər tərəfindən bir qədər artırılaraq əkin sahəmizə gedən yol tamamilə bağlanıb. 12 metirlk ehtiyyat yolun da əkilməsi, indi bizi torpaq sahəmizə getməkdən məhrum edib. Pay torpağma pambıq əkmişəm. Hazırda, mənim kimi digər insanlar da, sözügedən problem ucbatından altenativ bir yoldan istifadə etməli zorundadır. Suvarma işləri səbəbindən həmin yoldan nəqliyyatın hərəkəti mümkünsüzdür”
N.Kərimov onu da bildirib ki, kənd rəhbərliyinə, bələdiyyə sədri Əfqan Astanova dəfələrlə etidiyimiz müracətlər də cavabsız qalıb: " Bələdiyyə hər dəfə, Suvarma Sistemləri İdarəsi ilə problemin həlli üçün çalışdığını desə də, yolumuz bərpa olunmur."
Qeyd edək ki, əkin sahəsinə gediş - gəlişin çətinliyindən söhbət açan Niyaz Kərimov Vətən müharibəsi şəhidi, çəsur döyüşcü Elvin Kərimovun qardaşıdır.
