Biləsuvarda masaj edilərkən ölən uşaqla bağlı məhkəmə iclası keçirilib

Ötən ay Biləsuvar rayonunda masaj edilərkən ölən uşaqla bağlı məhkəmə iclası keçirilib. 

"Bilesuvarinfo"nun məlumatına görə, ayağında olan problemə görə sınıqçı-masajçıya aparılan 2 yaşlı Nəzrin Qubadlının ölümü ilə bağlı Biləsuvar Məhkəməsində növbəti  iclas keçirilib. 

Qeyd edək ki,  Qubadovlar ailəsi Nəzrinin ayağında yaranan problemlə bağlı 60 yaşlı kənd sınıqçı-masajçı N. İmanovaya müraciət  etmiş və prossedur zamanı uşaq həyatın itirmişdi. 

Məhkəmədə iddiaçı qismində Qubadovlar ailəsinin üzvləri dinlənildikdən sonra məhkəmənin qərarına əsasən sınıqçı N. İmanova barəsində 2 aylıq ev dustaqlığı elan edilib. 

Qubadovlar bu qərardan narazı qaldıqlarından növbəti məhkəmə inistansiyasına müraciət edəcəklərini bildiriblər.