Yanğınsöndürənlərimiz qonşu rayonun köməyində - FOTO

Bu gün Cəlilabadın Göytəpə şəhər bazarında güclü yanğın olub. 

"Bilesuvarinfo" xəbər verir ki, hadisə yerinə qonşu rayonlardan cəlb olunan maşınlardan biri də Biləsuvar rayon Yanğından Mühafizə Hissəsinə məxsus olub.

Biləsuvarlı yanğınsöndürənlər qonşu Cəlilabad rayonunda baş verən bu dəhşətli yanğının söndürülməsində fədakarçasına çalışıb. 

Qeyd edək ki, yanğın nəticəsində 20-yə yaxın mağazaya ziyan dəyib və ümumilikdə 1200 kvadratmetr ərazi yanıb.

Xəsarət alan və ölən olmayıb.