Bolqarçayda sel təhlükəsinin qarşısını almaq məqsədilə lildən təmizlənmə işləri aparılır

Bolqarçayın məcrasında ötən il görülən lildən təmizləmə işləri bu il də davam etdirilir.

"Bilesuvarinfo"nun məlumatına görə, 2025-ci ilin İstismar Tədbirlər planına əsasən Biləsuvar Su Meliorasiya Sistemlərinin İstismarı İdarəsi tərəfindən artıq mart ayından çayda lildən təmizləmə işlərinə başlanılıb.

Yaz aylarında qısamüddətli sel sularının keçdiyi çayın məcrasının təmizlənməsi həm də, yaxınlıqdakı əkin sahələrinə və yaşayış məntəqələrinə dəyəcək ziyanın qarşısını alacaq.

Qeyd edək ki, bu çay Biləsuvar rayonunda əkilən torpaq sahələrinin 1 000 hektara yaxınını suvarma suyu ilə təmin edir.