Biləsuvar Rayon İcra Hakimiyyətinin Başçısının tədbirlər planına uyğun olaraq kəndlərdə səyyar qəbulu davam edir.“Bilesuvarinfo” xəbər verir ki, bu gün keçirilən növbəti görüş yeri rayonun Yuxarı Cürəli kəndi olub. Sakinlərin əyyar qəbulunda Biləsuvar Rayon İcra Hakimiyyəti Başçısı aparatının məsul şəxsləri, hüquq mühafizə orqanlarının, idarə, müəssisələrinin, xidmət sahələrinin rəhbərləri iştirak edib.
Səyyar qəbul zamanı Faiq Qürbətov ölkə Prezidenti cənab İlham Əliyevin rəhbərliyi ilə respublikamızda və rayonumuzda görülən işlər barədə kənd sakinlərinə ətraflı məlumat verib.
Sonra Rayon İcra Hakimiyyətinin başçısı Yuxarı Cürəli kənd sakinlərinin təkliflərini, istəklərini dinləyib və onları narahat edən problemləri məsul şəxslərin iştirakı ilə araşdırıb.
Görüşdə səsləndirilən bir çox məsələlər yerində həll edilib, icrası zaman tələb edən məsələlər isə nəzarətə götürülüb.
