Xırmandalıda növbəti səyyar qəbul keçirilib

"Bilesuvarinfo" xəbər verir ki, səyyar qəbulda Biləsuvar Rayon İcra Hakimiyyəti Başçısı aparatının məsul şəxsləri, hüquq mühafizə orqanlarının rəhbərləri, rayonun idarə, müəssisələrinin, xidmət sahələrinin rəhbərləri və kənd sakinləri  iştirak edib.

Səyyar qəbul zamanı Faiq Qürbətov  ölkə Prezidenti cənab İlham Əliyevin rəhbərliyi ilə respublikamızda və rayonumuzda  görülən  işlər barədə Xırmandalı kənd sakinlərinə ətraflı  məlumat verib. 

Sonra Rayon İcra Hakimiyyətinin başçısı kənd sakinlərinin təkliflərini, istəklərini dinləyib və onları narahat edən problemləri məsul şəxslərin iştirakı ilə araşdırıb.

Səsləndirilən bir çox məsələlər yerində həll edilib, icrası zaman tələb edən məsələlər isə icra üçün nəzarətə götürülüb.