Ölkəmizdə paytaxtla ilə yanaşı bölgələrdə türkiyəli soydaşlarımız üçün edilən yardım kampaniyası davam etdirilir. Biləsuvar Rayon İcra Hakimiyyəti rayonda bu işin səmərəli təşkili üçün sakinlərə zəruri dəstək göstərir."Bilesuvarinfo" xəbər ki, Mübariz İbrahimov adına Təhsil Kompleksində müəyyən olunmuş məntəqədə toplanan yardımlar könüllülər və lisey şagirləri tərəfindən çeşidlənir, qablaşdırılır.
Bu gün hazırlanmış yardımları aparan nəqliyyat vasitələrinin yola salınması mərasimi keçirilib. Biləsuvar rayon sakinləri tərəfindən gətirilən isti geyim, konservləşdirilmiş qidalar, uşaq bezləri, yataq dəstləri və digər lazım olan ləvazimatlar olan yük maşını ilə Bakı şəhərinə Türkiyə Respublikasına göndərilməsi üçün yola salınmışdır.
Biləsuvar rayon sakinləri qardaş Türkiyədə baş vermiş güclü zəlzələ nəticəsində həlak olan insanlara Allahdan rəhmət diləyir, onların yaxınlarına və türk xalqına bağsağlığı verir, yaralıların tezliklə sağalmasını arzulayır.
Səninləyik, Türkiyə!
