Şəhidlərimizin xatirəsinin əbədləşdirilməsi məqsədilə Biləsuvar rayonunda yeni ünvanlarda evlərə xatirə lövhələri vurulub.“Bilesuvarinfo” xəbər verir ki, rayonun Səmədabad kəndində 8 qəhrəman Vətən övladının xatirə lövhələrinin açılış mərasimi keçirilib. Şəhidlərin ata ocağında keçirilən mərasimdə rayon rəsmiləri və kənd ictimaiyyətinin nümayəndələri iştirak edib.
Mərasimlər zamanı şəhid valideynləri və doğmalarıları ilə görüşən Biləsuvar Rayon İcra Hakimiyyətinin başçısı Faiq Qürbətov Azərbaycan xalqının qüruru, fəxri olan şəhidlərimizin xatirəsinin daim əziz tutulacağını bildirmiş, dövlətimizin bundan sonra da şəhidlik zirvəsinə ucalan igidlərimizin ailələrinin yanında olacağını qeyd edib. Tədbirdə çıxış edən qonaqlar şəhidlərin ölkəmizin ərazi bütövlüyünün bərpası uğrunda gedən döyüşlərdə canlarını Vətən uğrunda fəda edən şəhidlərimizin şərəfli döyüş yolundan danışaraq, onların əbədi yaddaşlara yaşayacaqları və tarixin bütün dövrlərində minnətdarlıqla anılacaqları bildirib.
