Biləsuvar Rayon İcra Hakimiyyəti mükafata layiq görüldü

Bakı şəhərində Onlayn İctimai Nəzarət Platforması (www.enezaret.az) layihəsinin rüblük (sentyabr – noyabr ayları üzrə) yekunlarına dair dəyirmi masa keçirilib.
                           
“Bilesuvarinfo” xəbər verir ki, layihənin rüblük nəticələrinə görə Biləsuvar Rayon İcra Hakimiyyəti də daxil olmaqla 14 dövlət qurumu vətəndaşların müraciətlərinə baxılması və bu müraciətlərdə qeyd olunan problemlərin həllinə görə “Ən fəal dövlət orqanı” mükafatına layiq görülüb.

Tədbirdə dövlət qurumlarının, QHT-lərin və mətbuatın iştirakı ilə keçirilən dəyirmi masada 2022-ci ilin sentyabr - noyabr ayları ərzində platformaya daxil olmuş müraciətlər, onların icra vəziyyəti və digər məsələlər müzakirə edilib. 

Qeyd edək ki, E-Nəzarət Platforması ABŞ Beynəlxalq İnkişaf Agentliyi (USAID/Azerbaijan) tərəfindən maliyyələşdirilən və Açıq Hökumət Platforması ilə əməkdaşlıq şəraitində icra edilən layihə çərçivəsində həyata keçirilir.