Səfərdə liseylərin qarşılıqlı elm və təhsil mübadiləsinin aparılması razılaşdırılıb

Biləsuvar rayon İcra Hakimiyyətinin Başçısı və onun rəhbərlik etdiyi nümayəndə heyətinin Türkiyəyə səfər çərçivəsində, bu ölkənin tanınmış liseylərindən olan Dənizlidəki Erbakır Fen lisesi ilə Milli Qəhrəman Mübariz İbrahimov adına Biləsuvar liseyi arasında qarşılıqlı elm və təhsil mübadiləsinin aparılması razılaşdırılıb.

“Bilesuvarinfo” xəbər verir ki,  Biləsuvar Rayon İcra Hakimiyyətinin başçısı Faiq Qürbətovun rəhbərlik etdiyi nümayəndə heyəti Dənizli şəhərində Erbakır Fen lisesində olaraq liseyin rəhbərliyi ilə görüşüb. 
Görüşdə qarşılıqlı fikir mübadiləsi zamanı hər iki liseyin rəhbərliyi qərara alıblar ki, Milli Qəhrəman Mübariz İbrahimov adına Biləsuvar liseyi ilə Erbakır Fen liseyi qarşılıqlı münasibətlər quraraq, müxtəlif bilik yarışmalarının və təcrübələrin bölüşdürülməsini təşkil etsinlər.

Liseylərin əlaqələrin daha da inkişafı üçün,  müəllim və şagirdlərin qarşılıqlı elm və təhsil mübadiləsi, müxtəlif bilik yarışmalıarı və digər tədbirlər təşkil edilməsi qərara alınıb. Gələcəkdə pedaqoji kollektivlərin və şagirdlərinin qarşılıqlı səfərlərinin təşkilin olunması planlanlaşdırılıb.

Sonda qardaş ölkələrin təhsil müəssisələri qarşılıqlı olaraq xatirə hədiyyələrini qəbul edib.