Biləsuvar rayonunda pambıqçılıq ənənələrini əks etdirən “Məhsul” bayramı keçirildi.
"Bilesuvarinfo" xəbər verir ki, bayram tədbiri Biləsuvar rayonunun 40 təsərrüfatdan, 245 nəfər əhalidən ibarət olan, əhalisinin əksəriyyətinin əkinçilik və maldarlıqla məşğul olduğu, Amankənd kəndindən 30 km məsafədə yerləşən köhnə Əmənkənd adlanan ərazidə təşkil olundu.
Bayram tədbirində Biləsuvar Rayon İcra Hakimiyyətinin başçısı Faiq Qürbətov, hüquq-mühafizə orqanlarının rəhbərləri, rayon və regional idarə, müəssisə, təşkilat rəhbərləri, rayon ictimaiyyətinin nümayəndələri, Biləsuvar rayonunda fəaliyyət göstərən pambıq şirkətlərinin rəhbərləri, məhsuldarlığına görə fərqlənən, müxtəlif illərdə ölkə rəhbəri tərəfindən qiymətləndirilmiş fermerlər, kəndlər üzrə icra nümayəndələri, kənd sakinləri və Biləsuvar Regional Mədəniyyət İdarəsinin musiqi kollektivi iştirak etdi.
Tədbir zamanı rayonun müxtəlif pambıq sahələrində əl ilə, eləcə də texnika ilə pambıq yığımı həyata keçirildi. Tədbirdə pambıq yığımı zamanı pambıqçı qızlar arasında simvolik olaraq yarış təşkil olundu. Qaliblər Biləsuvar Rayon Gənclər və İdman İdarəsi tərəfindən diplom və hədiyyələrlə mükafatlandırıldı.
Biləsuvarlı kənd təsərrüfatı işciləri bir vaxtlar keçirilən, ənənəvi “Məhsul” bayramının yenilənərək tədbiqini zəhmətkeşlərə böyük bir diqqət olduğunu vurğuladılar və rayon rəhbərliyinə minnətdarlıqlarını bildirdilər.
