Biləsuvarda uşaqlar üçün futbol klubu fəaliyyətə başlayır.“Bilesuvarinfo” xəbər verir ki, bu məqsədlə Masallıda fəaliyyət göstərən “Azad” Futbol klubunun rayonda filalı fəaliyyət göstərəcək.
Klubun məşqçi müəllimi Əli Nəcəfov bu haqda məlumat verərkən qeyd etmişdir ki, 6 yaşdan 14 yaşadək uşaqlar bizim klubumuz sayəsində peşakar futbola addımlayacaq: “İdman bildiyimiz kimi sağlamlıq, asudə vaxtlarının səmərəli keçirilməsi üçündür. Gəncləri zərərli vərdişlərdən uzaqlaşdırmağın ən ideal yoludur. Klubun fəaliyyətə başlaması barədə məktəblərdə, təhsil müəssisələrində olaraq şagirdləri məlumatlandırırıq. Çoxsaylı müraciətlər də almışıq. Çalışırıq ki, gəncləri ətrafımıza yığıb, onların sağlam ruhda böyüməsində xidmətimiz olsun.”
Qeyd edək ki, klubun yeri üçün Biləsuvar şəhərində Mərkəzi parkın stadionu seçilmişdir. Ancaq stadionda təmir – bərpa işlərinin aparılmasına və suvarılmasına ehtiyac var.
Stadionda bərpa işləri üçün əlaqədar təşkilatlara edilən müraciətlər isə hələ ki, cavabsız qalıb. Əgər bu mümkün olacaqsa, uşaqların futbol oynaması mümkün olacaq.
